本網為數位熱愛巴士的交通行業從業員所建立的專頁,現專門提供路線時間表查詢、報站聲下載及OMSI補檔,另外亦盡量為大家提供各個範疇的交通資訊,本網將盡可能確保資料的真實性,倘若資料有任何最終調動或修改,本網恕不負責。

關於我們
  呢個網站嘅誕生,係全因為呀吞拿兄話佢可以同我個爛鬼工作室合併,開創一個專門提供字軌時間表同報站嘅網站,呢個網站呢,我地嘅構思係希望可以簡化啲,事關以前個工作室,load一版路線資料都要load佛誕都未出到黎,有見及此,我地就開呢最簡化嘅網站,一來可以用手機上我地check時間同字軌(字軌for啲巴士迷嘅姐),二來大家搵報站黎download都down得快啲啦,唔似得以前個網咁成日死link,所以我都感到非常的唔好意思呀各位朋友!
  話說點解呢個網站叫做 "香港魚類批發市場" 呢? 係因為我叫慣吞拿兄做吞拿,而我又鐘意食三文魚,所以我自己又起左個名比自己叫"三文魚",係咁魚啦,咁係無聊之下,我地終於諗到呢個不如就叫"香港魚類批發市場",雖然個名都幾九五答八,但係諗深一層!魚類即係我同吞拿兄兩位啦,批發...將d時間表share出去,市場...呢個係一個upload報站嘅市場,所以順理成章叫左做 "香港魚類批發市場"啦(不過都幾牽強下)
呢道係我地個網站嘅facebook page, 麻煩你like下, 多謝支持!! ^^

https://www.facebook.com/HKWholesaleFishMarket


事項聲明 Statement

  1. 本網提供巴士公司編定之開車時間表,因實際情況而作出車務調動導致有所出入,本網恕不負責!
     
  2. 相片、路線資料、報站聲檔等其他作品均為版權所有,不得轉載!
     
  3. 如果閣下因登上本網而構成任何損失(心靈、身體、財產、資料、生命、電腦發生任何問題),本網恕不負上任何負任!本網站亦不會負上任何因作商業或法律用途所引起之責任問題。
     
  4. 如需使用我們的報站聲檔,煩請加上出處,是源自本網的;另外煩請不要胡亂接駁我們的聲檔,因為這對我們辛苦完成的作品十分侮辱!
     
  5. 有什麼問題及意見或有興趣加入本網,歡迎電郵至: hongkongwfm@gmail.com
     
  6. 本網不保証其網頁資料之準確性及完整性 ,亦不會負上任何因使用或提供網頁資料所引起之直接或間接損失,損毀及傷亡。
     
  7. 多謝網友 GN7875 及 LE8869 提供交通相片!
     
  8. 本網所收錄之報站聲檔版權最終歸於各間公共交通的公司之中。

     




 

版權所有 Copyright © 2009 - 2017 香港魚類批發市場 HKWFM

香港魚類批發市場是一個專門提供報站聲檔下載,查閱開車時間表的網站,網站未來所提供的資訊將會愈趨多元化,務求為大家提供更多的資訊 、優質的報站聲檔以及方便大家乘車的開車時間表。